«Մարդիկ իրենց աշխատանքով են փակելու վարկերը, այլ ոչ թե բանկերը կամ կառավարությունը ներում է»․ Նարեկ Մկրտչյան

250

Չորեքշաբթի, 22 հունվարի, 2025 թ., 18:42

«Մենք այս որոշմանը գնացինք ոչ որպես աջակցություն, այլ ստեղծեցինք մի համարգ և փետրվարի 1-ից հնարավորություն կտանք մարդկանց աշխատելու միջոցով կամ որոշակիորեն ստվերում պահած աշխատանքը ցույց տալու միջոցով իրենց իսկ վաստակած եկամտահարկը ուղղորդել, և բանկերը զիջումներ կանեն, այդ կուտակված տուգանքների մասով հնարավորություն կտանք դուրս գալու այդ անհուսալի թվացող քարանձավից»,- այս մասին ԱԺ-Կառավարություն հարցուպատասխանի ժամանակ ասաց ԱՍՀ նախարար Նարեկ Մկրտչյանը՝ պատասխանելով ՔՊ խմբակցության պատգամավոր Զարուհի Բաթոյանի՝ անհուսալի վարկերի վերաբերյալ հարցին:

«Հստակ է, որ մարդիկ իրենց աշխատանքով են փակելու վարկերը, այլ ոչ թե բանկերը կամ կառավարությունը ներում է նրանց:

Սրանով մենք հնարավորություն ենք տալիս 280 հազար մարդու աստիճանաբար ներգրավվելու ֆորմալ թափանցիկ աշխատանքային հարաբերությունների միջավայր»,- նշեց նախարարը: