«Եթե վարչապետը զանգի ԵՄ ղեկավարին, ասի՝ լավ կլիներ ՀՀ-ն ԵՄ անդամ լիներ. դա մեկնա՞րկ է». Էլինար Վարդանյան

«Ո՞նց ենք որոշելու, որ ԵՄ անդամակցության մեկնարկը տրված է: Վաղը վարչապետը զանգահարում է ԵՄ ղեկավարին, ասում է՝ այս ինչ լավ բան ա Եվրոպական Միությունը, ինչքան լավ կլիներ՝ Հայաստանը լիներ ԵՄ անդամ. դա որպես մեկնարկ կարո՞ղ ենք դիտարկել, թե՞ ոչ»,- ԱԺ եվրոպական ինտեգրման հարցերի հանձնաժողովի արտահերթ նիստի ժամանակ նման հարց ուղղեց «Հայաստան» խմբակցության պատգամավոր Էլինար Վարդանյանը՝ դիմելով նախաձեռնող խմբի ներկայացուցիչ Արտակ Զեյնալյանին:

Զեյնալյանը պատասխանեց, որ դա էլ մեկնարկի էլեմենտ է, «իսկ թե ինչպես է դրսևորվել, որքան է գոհացնում, ժամանակի ընթացքում մոնիթորինգ կանենք և կգնահատենք»:
Հիշեցնենք՝ ՀՀ ԱԺ եվրոպական ինտեգրման հարցերի մշտական հանձնաժողովում ընթանում են «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» հարցի շուրջ քննարկումները․ նախագիծը քաղաքացիական նախաձեռնության արդյունք է։