«Երբ երկիրն ուժեղ չէ, մեծ տերությունները գլխին կբերեն ինչ աղետ, որ ցանկանան». Փույա Հոսսեինի

«Հայաստան-Իրան զարգացման հիմնադրամ»-ի հիմնադիր Փույա Հոսսեինին ֆեյսբուքյան իր էջում1917 թվականին Իրանը չեզոք երկիր էր Առաջին համաշխարհային պատերազմում։ Բայց մեր չեզոքությունը մեզ ոչ միայն հաց չբերեց, այլև սով ու մահ բերեց։ Երկիր, որը հայտնվեց մեծ ուժերի խաղի մեջ և ի վերջո դարձավ պատերազմի ամենամեծ զոհերից մեկը:
Առաջին համաշխարհային պատերազմը փաստացի գրավեց Իրանը: Ռուսները հարձակվեցին մեզ վրա հյուսիսից, անգլիացիները՝ հարավից, օսմանցիները՝ արևմուտքից։ Մենք ոչ բանակ ունեինք, որ կանգնեինք նրանց դեմ ու կռվեինք, ոչ էլ հզոր կենտրոնական իշխանություն, որը կարող էր միավորել երկիրը։ Արդյունքը. Բացարձակ քաոս:
1919 թվականին 2-ից 3 միլիոն իրանցիներ կորցրել էին իրենց կյանքը: Այսինքն, այն ժամանակվա Իրանի բնակչության գրեթե մեկ երրորդը։ Որոշ քաղաքներ, ինչպես Շիրազը, մեկ ամսվա ընթացքում կորցրեցին իրենց բնակչության մեկ հինգերորդը:
Մեծ սովի պատմությունը մեզ ցույց է տալիս, որ երբ մեր երկիրը ուժեղ չէ, մեծ տերությունները մեր գլխին կբերեն ինչ աղետ, որ ցանկանան։ Անհրաժեշտության դեպքում նրանք կխլեն մեզանից յուրաքանչյուրի կյանքը, որպեսզի իրենց շահերը չվտանգեն։
Պետք է դասեր քաղել այս պատմությունից»։