«2000թ․ ԱՄՆ-ն չկարողացավ ոչ մի ճանապարհով հասնել իր ուզածին». Հրանտ Ավետիսյան

Ակտիվիստ Հրանտ Ավետիսյանի ֆեյսբուքյան գրառումը. «Պատմությունը ցույց տվեց, որ Մեղրին ադրբեջանական դարձնելու ծրագրի թիվ մեկ շահառուն ԱՄՆ-ն է: Ռուսաստանի դերը տարածաշրջանում նվազեցնելով՝ պետք էր «ազատվել» ռուսական նավթային կապանքներից: Իսկ Նախիջևան-Մեղրի-Ադրբեջան ճանապարհը լավագույնն է այդ առումով: 2000 թվականի սկզբին ԱՄՆ-ն այդպես էլ չկարողացավ հասնել իր նպատակին, ավելին՝ բանակցային գործընթացից դուրս մնաց «Մեղրիի տարբերակը», և փոխարենը Ռուսաստանը սկսեց մեծացնել իր դերը բանակցություններում: Փաստ է՝ ԱՄՆ-ն չկարողացավ ոչ մի ճանապարհով հասնել իր ուզածին:
Այս օրերին ԱՄՆ-ից սնվող «Ազատություն ռադիոկայանը» դաշտ նետեց Մեղրին «հանձնելու» ԱՄՆ-ի երազանքը մեկտեղող փաստաթղթերի մի կույտ, որը իրականում ոչինչ էր: Բայց դրա ֆոնին ակտիվացան Ռոբերտ Քոչարյանի հասցեին անհետք մեղադրանքները: Ինչո՞ւ անհետք, որովհետև սրանք փաստացի հայաթափեցին Արցախը և սկուտեղի վրա մատուցեցին թշնամուն, անգամ «Արցախ» բառը հրաժարվում են արտաբերել, բայց գոմշի կաշի երեսին քաշած անբարոյականի նման ուրիշին մեղադրում են «Մեղրին հանձնելու» մեջ, այն դեպքում, երբ Մեղրին փաստացի եղել և մնում է հայկական:
Այս ամենի ֆոնին նիկոլը շտապեց մեկնել ԱՄՆ: Չգիտեմ, թե այս այցի անունն ինչ են դրել, բայց անցնող յոթ տարիները ցույց տվեցին, որ պատահականություններին հավատալը, մեղմ ասած, հիմարություն է»: