«Սկզբից գինը հնչեցնում են երկնիշ, հետո իբր զիջում են, բայց իրականում բերում են իրենց ուզած կետին». Վիտալի Մանգասարյան

«Հենակետ» վերլուծական կենտրոնի ղեկավար Վիտալի Մանգասարյանի ֆեյսբուքյան գրառումը․ «Երևանի քաղաքապետարանը մեզ տարավ թուրքական բազար՝ սկսելով հասարակական տրանսպորտի գինը 300 դրամից: Ժողովուրդը զայրացավ, ճնշում գործադրեց, ու հանկարծ գինը «իջավ» 150 դրամի: Բայց բոլորին էլ պարզ է, որ սա վաճառականի հին խորամանկությունն է. սկզբից գինը հնչեցնում են երկնիշ, հետո իբր զիջում են, բայց իրականում բերում են իրենց ուզած կետին:
Պատկերացրեք, որ շուկայում փորձառու վաճառականից փորձում եք գնել միրգ: Նա ասում է՝ «5000 դրամ», դուք զարմանում եք, հակադարձում, ու իբր զիջելով ասում է՝ «Լավ, քեզ համար 2500»: Մինչդեռ իրական գինը 1500 էր, և նա հրաշալի գիտեր դա:
Այնպես որ, սա դեռ վերջը չէ: Եթե շարունակենք բողոքել ու պահանջել արդար լուծում, ապա «բազարը» դեռ մի փուլ էլ կանցնի, և գնագոյացման ողջ գործընթացը կվերանայվի»: