«Դուք 150 դրամից դժգոհությո՞ւն եք նկատել». Հերիքնազ Տիգրանյան

ՔՊ-ական պատգամավոր Հերիքնազ Տիգրանյանը լրագրողների հետ զրույցում ասաց, որ հիմնավորված է համարում տրանսպորտի ուղեվարձի թանկացումը. «Գինը պիտի բարձրանա, որովհետև ծառայության որակն է փոխվում, նոր ծառայությունը բերում է նոր գներ: Երբ ասում եք՝ գեներացրել է դժգոհություն ու բոյկոտ, գուցե սոցիալապես անապահով անձանց համար կարող է լինել բեռի ավելացում, բայց ես չտեսա, որ բոյկոտողները հենց այդ մարդիկ են, որովհետև նրանք տեսան, որ իրենց համար արվում են արտոնություններ... Դժգոհողները մեծահասակներն են, որոնց համար տեխնիկայի հետ կապված ամեն ինչն անհարմարավետ է, բայց դա էլ ժամանակի խնդիր է»: Դիտարկմանը՝ մարդիկ դժգոհում են գնից, պատասխանել է. «Դուք 150 դրամից դժգոհությո՞ւն եք նկատել... Ես որքանով հետևել եմ... գուցե տարբեր դրվագներ ենք դիտել: Բոյկոտում են մարդիկ, ովքեր շատ ավելի վճարունակ են, ես անվճարունակի բոյկոտ չեմ տեսել»: