«Չեմ կարծում, որ ՄԻՊ ինստիտուտը որևէ պատգամավորի սպառնացել է»․ Անահիտ Մանասյան

«Չեմ կարծում, որ ՄԻՊ ինստիտուտը որևէ պատգամավորի սպառնացել է»,- լրագրողների հետ զրույցում ասաց ՄԻՊ Անահիտ Մանասյանը՝ անդադառնալով ԱԺ «Հայաստան» խմբակվության պատգամավոր Գառնիկ Դանիելյանի ահազանգին, թե Մարդու իրավունքների պաշտպան Անահիտ Մանասյանը բարկացել է իր՝ ՔԿՀ-ներում տիրող իրավիճակի մասին գրառումից, և որ նա նույնսիկ սպառնացել է օրենսդիր մարմնի ներկայացուցչին։

«Ես որևէ կերպ այդ գործընթացում ներգրավված չեմ եղել։ Մարդկանց հետ զրուցում եմ բացառապես դեմ առ դեմ հաղորդակցության շրջանակներում։ Գաղափարը հետևյալն է՝ տարբեր դրվագներ են արձանագրվել, ընդհուպ նաև այնպիսիք, որոնք մեր կողմից ընկալվել են ՄԻՊ գործունեությանը միջամտություն։ Եվ դա է պատճառը եղել, որ աշխատակազմը կարևոր է համարել խոսել այն մասին, որ Հայաստանում կա կոնկրետ արարքների համար պատասխանատվության ինստիտուտ։ Թեև մեր հաստատությունն այդ առիթներն ունեցել է, բայց իմ պաշտոնավարման տարիների ընթացքում երբևէ որևէ դեպք չի եղել, երբ ՄԻՊ-ը հաղորդում ներկայացրած լինի որևէ արարքին քրեաիրավական գնահատական տալու հետ կապված»,- ասաց Մանասյանը։