«Մեզ պետք է, որ կոմբինատն օր առաջ աշխատի». Գևորգ Պապոյան

«ԶՊՄԿ-ն բանակցում է գերմանական հայտնի ընկերություններից մեկի հետ, որը պետք է ներդնի համապատասխան վերահսկողական համակարգ, բնապահպանական համակարգ, որոնք բավականին բարձր վիճակում գտնվող բնապահպանական ռիսկերի կառավարման համակարգը պետք է բարձրացնեն այսօրվա գործող նորմերի ամենաբարձր համակարգին»,- ճեպազրույցի ժամանակ նշել է Էկոնոմիկայի նախարար Գևորգ Պապոյանը: Նախարարը ընդգծեց. «Մեզ պետք է, որ կոմբինատը օր առաջ աշխատի, որովհետև կոմբինատի չաշխատելը բազմաթիվ ռիսկերով է հղի, այդ թվում՝ տնտեսական ցուցանիշներ, արտադրություն արտահանում»: Պապոյանի խոսքով կոմբինատի չաշխատելը սոցիալական առումով էլ է խնդիրներ առաջացնելու՝ մարդիկ աշխատավարձ չեն ստանալու, նաև խնդիրներ կլինեն հարկային մուտքերի պահով:

Հիշեցնենք՝ ԶՊՄԿ-ի աշխատակիցները գործադուլ են անում՝ պահանջելով աշխատավարձերի բարձրացում: