«100 դրամով հնարավոր է ունենալ միայն ջարդած գազել». Գևորգ Պապոյան

«Էկոնոմիկայի նախարարությունից ԱԺ գնալուց երբեմն մետրոյով եմ գնում: Իմ ընտանիքի բոլոր անդամները օգտվում են հասարակական տրանսպորտից»,- ճեպազրույցի ժամանակ ասաց էկոնոմիկայի նախարար Գևորգ Պապոյանը: Անդրադառնալով քաղաքային տրանսպորտի թանկացմանը՝ նախարարը ընդգծեց, որ կարող ենք ունենալ 100 դրամանոց «MAN» մեքենաներ, բայց 4 տարի հետո չենք ունենա ոչինչ: «Եթե ուզում ենք միշտ ունենալ «MAN» մեքենաներ կամ էլեկտրոբուսեր, պետք է վճարենք դրա համար, որովհետև դա այլ գին ունի»,- ասաց Պապոյանը և օրինակ բերեց «06» և «Մերսեդես» ավտոմեքենաները. ««06»-ը և «Մերսեդեսը» տարբեր հարմարավետություն ունեն և տարբեր ծախսեր են պահանջում: Մենք մեր քաղաքացիներին «Մերսեդեսն» ենք տվել, որովհետև ՄԱՆ-ը «Մերսեդես»-ի անալոգն ա»: Պապոյանը հավելեց, որ 100 դրամով հնարավոր է ունենալ միայն ջարդած գազել: