«Ով ասես մեղադրում է գործադուլավորներին, իսկ ի՞նչ են անում պատասխանատուները»․ Օլեգ Դուլգարյան

«Համայնքների համախմբման և աջակցության կենտրոն» ՀԿ ղեկավար Օլեգ Դուլգարյանի ֆեյսբուքյան գրառումը․ «Էն որ ով ասես ափր-ցփր մեղադրում են գործադուլավորներին «տնտեսական մեծ հսկայի կանգնելու և պետությանը վնասներ հասցնելու մեջ», հարց, իսկ ի՞նչ են անում պատասխանատուները, որպեսզի պետությանը վնաս չհասցվի։ Առայժմ միակ տեսանելի արվածը, դա մարդկանց գործից ազատելն էր, բայց մեկ է, պետությանը այդպես ասած շարունակվում է վնաս հասցվել։ Ու բնականաբար բանվորները չեն կարող պատասխանատվություն կրել գործունեության խափանման համար, շատ պարզ պատճառով, նրանք կառավարման պաշտոն չեն զբաղեցնում։ Գործունեության անխափան ապահովման համար պատասխանատուներ կան, պաշտոնով և համարժեք վարձատրությամբ։
Պետությանը վնասներ հասցնելու և ճգնաժամը չլուծելու պատաախանատուները նորմալ է, որ հրաժարական տան»։