«POS տերմինալների «խափանումների» պատճառը հարկային օրենսդրության «բարեփոխումն է»»․ Կարեն Քոչարյան

512

Երկուշաբթի, 10 փետրվարի, 2025 թ., 14:36

Քաղտեխնոլոգ Կարեն Քոչարյանի ֆեյսբուքյան գրառումը. «Ստացվել էր այնպես, որ վերջին տարիներին, իմ ծախսերի մոտ 90% իրականացնում էի քարտի միջոցով (ավելի ճիշտ հեռախոսով): Դա իրոք շատ հարմար է, որովհետև կարիք չկա գրպաններն ավելորդ ծանրաբեռնել դրամապանակով և մետաղադրամներով, հեռախոսը միշտ հետդ է՝ հետևաբար միշտ մոտդ «փող» կա և այլն: Եվ ամենակարևորն այն էր, որ անգամ ամենափոքր «բուդկան» ուներ POS տերմինալ: Բայց վերջին մեկ ամսվա ընթացքում, գնալով շատացան դեպքերը, երբ այս կամ այն առևտրի սրահներում սկսեցին, տարբեր պատճառաբանություններով, պահանջել կանխիկ գումար:
Գրեթե վստահ եմ, որ POS տերմինալների մասսայական «խափանումների» պատճառը հարկային օրենսդրության այսպես կոչված «բարեփոխումն է»:
Դե ինչ, ինձ մնում է միայն շնորհավորել մեր ռեֆորմիստներին հերթական տապալված ռեֆորմի առիթով»:

Աղբյուրը` Կարեն Քոչարյան