«Եթե ամեն ինչ այդքան լավ է, ինչո՞ւ են մարդիկ շարունակում լքել երկիրը». Տիգրան Վարդանյան

ՀՀԿ խորհրդի անդամ Տիգրան Վարդանյանը ֆեյսբուքյան իր էջում գրել է. «Հայաստանի տնտեսական աճը՝ հերթական մանիպուլյացիա
Կառավարությունը հպարտորեն ներկայացնում է տնտեսական աճի թվերը, բայց ինչպե՞ս է դա անդրադառնում շարքային քաղաքացիների կյանքի վրա։ Եթե ամեն ինչ այսքան լավ է, ապա ինչո՞ւ են մարդիկ շարունակում լքել երկիրը, ինչո՞ւ են աշխատավարձերը մնում նույնը, իսկ սպառողական գները՝ շարունակ բարձրանում են։ Ինչո՞ւ այդ այսպես կոչված տնտեսական աճը չենք զգում մեր գրպանում։
Տնտեսական «ակտիվություն» առանց իրական բարեկեցության՝ հերթական թվային մանիպուլյացիան է»: