«2019-ին Մինսկի խումբը ձեր սեղանին է դրել վերջին խմբագրված տարբերակ, որը դուք թաքցրել եք». Ագնեսա Խամոյանը` Նիկոլ Փաշինյանին

277

Չորեքշաբթի, 12 փետրվարի, 2025 թ., 21:30

Ազգային ժողովում ընդդիմադիր պատգամավոր Ագնեսա Խամոյանը հայտարարեց, որ Նիկոլ Փաշինյանը ժողովրդից թաքցրել է Արցախի հարցի կարգավորման վերջին փաստաթուղթն ու խաբել բոլորին: «Հրապարակեք բոլոր փաստաթղթերը, որոնք բանակցել են նախորդ իշխանությունները: Բայց ես ձեզ առաջարկում եմ սկսել 2019-ից, ԵԱՀԿ Մինսկի խմբի կողմից ձեր սեղանին դրված վերջին խմբագրված տարբերակից, որոնք դուք թաքցրել եք ՀՀ քաղաքացիներից, խաբել եք՝ հայտարարելով, որ բանակցությունների սեղանին որևէ փաստաթուղթ գոյություն չունի, հրապարակեք»:

Նիկոլ Փաշինյանը խուսափեց հարցին ուղիղ պատասխանելուց. «Էն ինչը 2019 թվի հունիսին դրվել ա սեղանին, ինձնից առաջ տեղի ունեցած բանակցությունների արդյունքն ա: Հլը էդ թղթի վերևում էլ գրված ա՝ ՀՀ նախագահները, նախագահները... Ես ՀՀ նախագահ երբեք չեմ եղել»: