Շաբաթ, 19 ապրիլի, 2025 թ.
|
Ստեփանակերտում`   +8 °C

«Կարելի է վերջին 30 տարիների ընթացքում սեփականությունը չփոխած բնակարանների գույքահարկը թողնել անփոփոխ». Վահրամ Մարտիրոսյան

«Կարելի է վերջին 30 տարիների ընթացքում սեփականությունը չփոխած բնակարանների գույքահարկը թողնել անփոփոխ». Վահրամ Մարտիրոսյան
569
Ուրբաթ, 14 փետրվարի, 2025 թ., 01:18

Գործարար Վահրամ Մարտիրոսյանի ֆեյսբուքյան գրառումը. «Գույքահարկի մասով կարելի է վերջին 30 տարիների ընթացքում սեփականությունը չփոխած բնակարանների գույքահարկը թողնել անփոփոխ, իսկ մնացածի բարձրացումն, իմ կարծիքով, արդար է։
Ես, որպես Երևանի կենտրոնի բնակիչ, չեմ համարում արդար, որ կաֆեի հաշիվը և բնակարանի գույքահարկը համադրելի են։ Իսկ առևտրային և օֆիսային տարածքների գույքահարկը, ընդհանրապես, պետք է անգամներով բարձր լինի։
Սա նաև տնտեսական քաղաքականության կոնցեպտուալ հարց է։ Իմ կարծիքով, հարկերը պետք է ցածր լինեն ակտիվ եկամտաբերությամբ սուբյեկտների վրա, և ընդհակառակը՝ պասիվ սուբյեկտների հարկային բեռը պետք է բարձր լինի։ Այլ կերպ ասած, բիզնեսները պետք է ունենան ցածր հարկային բեռ, մինչդեռ անշարժ գույքը, մեքենաները և այլ տիպի ունեցվածքը՝ բարձր հարկային բեռ։
Հանրային ռեսուրսը միշտ պետք է ուղղվի զարգացում ապահովող ճյուղերին»:

Աղբյուրը`   Վահրամ Մարտիրոսյան