«Պատմություն կա այս շինծու ակցիայի մասնակիցների լուսանկարների հետևում»․ Հայկ Դեմոյան

ՀՑԹԻ նախկին տնօրեն, պատմաբան Հայկ Դեմոյանի ֆեյսբուքյան գրառումը. «Պատմություն կա այս լուսանկարների հետևում․
Այս լուսանկարներում պատկերված անձինք, որոնց մի մասը հիմա նստած է կառավարությունում, Ազգային ժողովում ու Հանրայինում, իրականում տրասնպորտի թանկացման դեմ բողոքողներ չեն, սիրելի՛ հայրենակիցներ: Սա ընդամենը տրանսպորտի սակագների թանկացմանը դեմ ակցիայի անվան տակ օպերատիվ աշխատակիցների մի զինավարժություն ու ապրոբացիա էր, որն ամբողջ թափով գործի պետք է դրվեր 2018թ.:
Մի՛ խաբնվեք:
Այս շինծու ակցիայի մասնակիցներն այդ օրը ցանկանում էին բողոքի ակցիան իրականացնել Հայոց ցեղասպանության հուշահամալիրի խորապատկերին: Դա կտրականապես արգելեցի ու ասեցի, որ ինձ համար նման վարքագիծն անթույլատրելի է և որ հուշահամալիրը զերծ պետք է մնա ցանկացած շահարկումից: Դրա համար էլ լուսանկարվել են Ծիծեռնակաբերդի զբոսայգու կաղնիների պուրակում:
Այսպիսի բաներ»: