«Քանդեցին բոլոր համակարգերը` փինաչու պես համոզելով, թե այդպես պիտի լինի»․ Իզաբելլա Աբգարյան

Երևանի ավագանում անդամ Իզաբելլա Աբգարյանի ֆեյսբուքյան գրառումը․ «Երիտասարդ գվարդիականների կեցվածք ընդունած՝ հպարտ֊հպարտ հայտարարում են, թե գնում են բարեփոխումների, չեն վախենում համարձակ, ցավոտ որոշումներ ընդունելուց։
Իսկ իրականում քանդեցին ու քանդում են բոլոր համակարգերը՝ փինաչու պես համոզելով, թե այդպես պիտի լինի։
Տիպիկ Ուստա փիսոներն անցել են սոցիալական անվտանգության եղած՝ թեկուզ և թերի ճարտարապետությունը քանդելուն։
Տրանսպորտ, ՓՄՁ-ներ ...
Միշտ սոցիալական բարձիկի դեր տանող տրոլեյբուսը դարձրեցին տատու գնի, առևտրով, ծառայություն մատուցելով՝ օրահացի խնդիր լուծող փոքր ու միջինին որոշեցին քամել, հյուծել։
Որովհետև մոռացել են՝ ինչ ա նշանակում համեստ աշխատավարձով ապրելը։ Մոռացել են, թե ոնց են մարդիկ, բոլոր վճարումներն անելուց հետո, ամսվա կեսին տագնապի մեջ ընկնում, որ էն մյուս կեսի համար սննդի գումար հայթայթեն։
Ուստա փիսոները միայն մի բան գիտեն՝ մանիպուլացնել, փորձել ձախողումը որպես «այդպես էլ պիտի լինի» ներկայացնել»։