Հինգշաբթի, 30 ապրիլի, 2026 թ.
|
Ստեփանակերտում`   +12 °C

«Ուկրաինայում պատերազմին վերջ տալու` ԱՄՆ-ի բանակցային մարտավարությունն անսովոր է». Լեհաստանի արտգործնախարար

«Ուկրաինայում պատերազմին վերջ տալու` ԱՄՆ-ի բանակցային մարտավարությունն անսովոր է». Լեհաստանի արտգործնախարար
1075
Կիրակի, 16 փետրվարի, 2025 թ., 18:50

Ուկրաինայում պատերազմին վերջ տալու՝ ԱՄՆ-ի բանակցային մարտավարությունը, որը ԱՄՆ-ի հատուկ ներկայացուցիչ Քիթ Քելոգը ներկայացրել է դաշնակիցներին Մյունխենի անվտանգության համաժողովում, «անսովոր են, բայց հույս են ներշնչում», կիրակի օրը հայտարարել է Լեհաստանի արտգործնախարար Ռադոսլավ Սիկորսկին, հաղորդում է Reuters-ը։ «Գեներալ Քելլոգն անձամբ ինձ և եվրոպացի դաշնակիցների շրջանակին ներկայացրեց Միացյալ Նահանգների բանակցային մարտավարությունը,- լրագրողներին ասել է Ռադոսլավ Սիկորսկին։ -Այստեղ չեմ բացահայտի։ Դա որոշակի հույսեր է ծնում։ Դրանք անսովոր են, բայց մենք դրանց հաջողություն ենք մաղթում»:

Քելլոգն ավելի վաղ CNBC-ին ասել էր, որ Ուկրաինայի և Ռուսաստանի համար խաղաղության ծրագիր կարող է մշակվել օրերի կամ շաբաթների ընթացքում:

Միաժամանակ Քելլոգը բացատրել է, որ Եվրոպան կարող է ֆիզիկապես ներկա չլինել խաղաղ բանակցությունների սեղանի շուրջ, սակայն հաշվի են առնվելու տարածաշրջանի շահերը։