«Արտաքին պարտքը կոխեք ձեր մի լավ տեղը». Հրանտ Բագրատյան

ՀՀ նախկին վարչապետ Հրանտ Բագրատյանը, «Հայելի» ակումբում ասուլիսի ժամանակ անդրադառնալով ՀՀ արտաքին պարտքի վերաբերյալ ՔՊ-ականների հրապարակումներին, ասել է. «Արտաքին պարտքը կոխեք ձեր մի լավ տեղը: Մենք խոսում ենք ընդհանուր պարտքից: Դուք ունեք 12 մլրդ դոլարի պարտք, որից 6-ը ներքին պարտքն է՝ պետական արժեթղթերն են, որ բանկերի միջոցով ծախում եք ժողովրդին: Նենց էլ չեք ծախում, է՜, որ ժողովուրդն անմիջապես առնի, այլ՝ բանկերի միջոցով, որտեղ շահույթի կեսը մնում է, ու ծախում եք 14-15 տոկոսով»:

Հիշեցնենք՝ օրեր առաջ Էկոնոմիկայի նախարար Գևորգ Պապոյանը ֆեյսբուքյան իր էջում հայտնել էր, որ ՀՀ արտաքին պարտքը 5 մլրդ 962 մլն դոլար է։