«Ուկրաինան ավելի քան 30 տրիլիոնի հանքահումքային ռեսուրս ունի, որ անհրաժեշտ է և՛ ԱՄՆ-ին, և՛ Եվրոպային». Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը. «Պատերազմները ռեսուրսների համար են: Սա ինձանից շատ եք լսել, քանի որ ինքս պատերազմները այս տեսանկյունից եմ դիտարկում:
Ռուս-ուկրաինական պատերազմը անմասն չէ սրանից: Եվ սա արդեն բացեիբաց դրսևորվում է: Մասնագետներն ասում են, որ Ուկրաինան ավելի քան 30 տրիլիոնի հանքահումքային ռեսուրս ունի, որոնք անհրաժեշտ են և՛ ԱՄՆ-ին, և՛ Եվրոպային: Սրա մի ահռելի մասը գտնվում է հենց այն տարածքներում, որոնք Ռուսաստանը թիրախավորել է: Այս ռեսուրսակիր տարածքների արդեն 30%-ը Ռուսաստանը գրավել է: Մնացյալն էլ արևմուտքը փորձում է իրենով անել՝ Ուկրաինայի՝ իրենց պարտքերի և հաջորդող աջակցության դիմաց:
Արտաքին քաղաքականության մեջ Թրամպը, ի տարբերություն նախորդ նախագահների, բաց և ուղիղ է ներկայացնում իր տնտեսական շահը: Եվ այսպես, Ուկրաինային Թրամպի վարչակազմը ներկայացրել է առաջարկ 500 միլիարդ դոլարի աջակցություն տրամադրել՝ հանքահումքային ռեսուրսների դիմաց:
Զելենսկին առայժմ դրական չէ տրամադրված այս առաջարկին»: