«Շղթան կփակվի այն ժամանակ, երբ այս իշխանությունն այլևս պետության ղեկին չի լինի»․ Տիգրան Աբրահամյան

Մեկնարկել է Էդգար Ղազարյանի դեմ հարուցված քրգործով դատական նիստը։ Դատարանի բակում է նաև ԱԺ ընդդիմադիր պատգամավոր Տիգրան Աբրահամյանը։ Հարցին՝ ի վերջո քաղաքական հետապնդումների շղթան ե՞րբ է փակվելու, ասել է․ «Շղթան կփակվի այն ժամանակ, երբ այս իշխանությունն այլևս պետության ղեկին չի լինի։ Մեր երկրում ոչ միայն ժողովրդավարության փխրուն համակարգն է փլուզվել, այլև գործող իշխանությունը բռնապետական համակարգ է ստեղծել։ Փաշինյանի նպատակն է, որ իշխանական տեսակետից տարբերվող անձանց նկատմամբ պատժամիջոցներ սահմանվեն»։