«Փաշինյանը վախենում է խոսքից, դրա համար Էդգարին փորձում է սահմանափակել». Նարեկ Սամսոնյան

«Սա մեծ շղթայի շարունակությունն է, որը ընդամենը մի բանի մասին է, որ այս մարդը՝ Նիկոլը վախենում է խոսքից: Խոսքն իր միակ թշնամին է դարձել, որովհետև մարդիկ սկսել են լսել, հասկանալ»,- լրագրողների հետ զրույցում ասաց «Իմնեմնիմի» փոդքասթի համահեղինակ Նարեկ Սամսոնյանը՝ անդրադառնալով հասարակական-քաղաքական գործիչ Էդգար Ղազարյանի դատավարությանը: «Իմ կարծիքով՝ Էդգարին հիմա բռնում են՝ հաշվի առնելով նաև, որ լինելու է որևէ լուրջ շարժում: Նիկոլը լավ գիտի, որ ինքը ռեյտինգ չունի: Իշխանություն կորցնող ցանկացած մարդու վերջին հանգրվանը խոսքից վախենալն է, դրանից հետո արդեն իշխանության կորուստն է գալիս»,- նշեց Սամսոնյանը և ընդգծեց, որ եթե Նիկոլ Փաշինյանը սկսել է խոսքից վախենալ, նշանակում է նրա վիճակը շատ կրիտիկական է:

«Փաշինյանը վախենում է խոսքից, դրա համար հիմա Էդգարին փորձում է սահմանափակել»,- հավելեց Սամսոնյանը: