ԱԺ մի խումբ պատգամավորներ կգործուղվեն Լոնդոն

120

Հինգշաբթի, 04 սեպտեմբերի, 2025 թ., 20:18

ՀՀ ԱԺ պատգամավորները կմեկնեն Լոնդոն (Մեծ Բրիտանիայի և Հյուսիսային Իռլանդիայի Միացյալ Թագավորություն)՝ մասնակցելու ԵԱՀԿ ԺՀՄԻԳ և ԵԽԽՎ համատեղ նախաձեռնությամբ կազմակերպվող ուսումնական այցին:

Այս մասին տեղեկանում ենք պատգամավորների գործուղման վերաբերյալ ԱԺ նախագահի կարգադրությունից: Պատգամավորները Լոնդոն կգործուղվեն հոկտեմբերի 13-18-ը:

Լոնդոն կմեկնեն Ազգային ժողովի «Քաղաքացիական պայմանագիր» խմբակցության ղեկավար Հայկ Կոնջորյանը, Հայաստան-Մեծ Բրիտանիա բարեկամական խմբի ղեկավար Էդուարդ Աղաջանյանը, Ազգային ժողովի «Քաղաքացիական պայմանագիր» խմբակցության պատգամավորներ Վլադիմիր Վարդանյանը, Արուսյակ Ջուլհակյանը, Հասմիկ Հակոբյանը, «Հայաստան» խմբակցության քարտուղար Արծվիկ Մինասյանը, նույն խմբակցության պատգամավոր Արման Ղազարյանը, «Պատիվ ունեմ» խմբակցության պատգամավոր Տարոն Մարգարյանը:

Աղբյուրը` Ազգային ժողով