«Մենք պետք է ուժեղ պետություն ունենանք, այլընտրանք չկա»․ Մհեր Հակոբյան

Ռազմական հարցերով վերլուծաբան Մհեր Հակոբյանի ֆեյսբուքյան գրառումը․ «Եթե դուք կարծում եք, որ երբ հանձնվեք, ավելի թեթև է լինելու, ապա ստիպված եմ ձեզ հիասթափեցնել, եթե հանձնվեք, ավելի թեթև չի լինելու, իսկ, որ ավելի հավանական է, ԱՎԵԼԻ ԾԱՆՐ Է ԼԻՆԵԼՈՒ…
Ուժեղ լինելը դժվար է, հանձնվելը հեշտ է: Հեշտ է խաչ քաշել երկրի վրա և երազել մի ինչ-որ առաջատար երկրին միանալ, սակայն անկախ և ինքնիշխան լինելը ընտրյալների՝ ԸՆՏՐՅԱԼ ԱԶԳԵՐԻ, ուղին է: Անհատական մակարդակում, չգիտես ինչու, բոլորս մանրախնդրության աստիճան ուշադիր ենք մեր պատվին և անկախությանը, սակայն պետական մակարդակում դա երբեմն կասկածի տակ ենք դնում:
Թուրքին դիմադրելը դժվար է, հանձնվելը՝ հեշտ: Իսկ ո՞վ ասաց, որ Հայաստանում անկախ և ինքնիշխան ապրելը հեշտ է լինելու: Հեշտը կայացած մի որևէ պետություն հեռանալն ու իր անձրևանոցի տակ ապրելն է, չնայած հետո գուցե զղջում լինի հեռանալու կապակցությամբ, իսկ սերունդներն էլ չհիշեն, որ իրենք հայ են: Մենք պետք է ուժեղ պետություն ունենաք, ՊԵՏՔ Է, ՊԱՐՏԱՎՈՐ ԵՆՔ, իսկ ո՞վ ասաց, որ դա հեշտ ճանապարհ է:
Մենք պետք է ուժեղ պետություն ունենաք, այլընտրանք չկա»։