«Իշխանությունը 3 հենասյուն ունի՝ նախկինները, ռուսները և արցախցիների նկատմամբ ատելությունը». Արամայիս Աղաբեկյան

Արցախի ԱԺ պատգամավոր Արամայիս Աղաբեկյանի ֆեյսբուքյան գրառումը. «Սրանց իշխանությունը երեք հենասյուն ունի՝ նախկինները, ռուսները և արցախցիների նկատմամբ ատելությունը։ Այդ է պատճառը, որ շուրջօրյա ռեժիմով այս թեմաները ջրի երեսին են։ Քաղաքական դաշտում հայտնված յուրաքանչյուրն անմիջապես խոթվելու է նախկինների գրպանը, ցանկացած օբյեկտիվ քննադատություն ներկայացվելու է որպես ռուսական գծի սպասարկում, իսկ արցախցու այս կամ այն կերպ ակտիվությունը արժանանալու է իշխանական թևի տակ գտնվողներից մեկի սուր հակադարձմանը՝ ոչ թե բովանդակային, այլ հենց ներազգային ատելության շրջանակներում։
Այս ամենն արվել է և արվելու է համակարգային՝ վերևից ներքև, քանի դեռ սրանք կան, քանի դեռ չկա այլընտրանք առաջարկող, բոլորին հավասար հնարավորություններով մրցակցելու հնարավորություն տվող մեկ միասնական հարթակ։
Սրանց հաղթելու համար անհրաժեշտություն է նման հարթակի՝ այն է՝ քաղաքական միավորի ձևավորումը, որը զերծ կլինի աշխարհաքաղաքական որևէ կենտրոնի դիֆերամբներ հղելուց և կոչված կլինի սպասարկելու միայն ու միայն հայկական շահը»: