«Էդգար Ղազարյանի բոլոր ասածները ճշմարտություն են, մի բան էլ մեղմ են»․ Բագրատ Սրբազան

«Էդգար Ղազարյանի բոլոր ասածները ճշմարտություն են, մի բան էլ մեղմ են։ Սա դաատպարտելի ու պախարակելի հերթական դեպքն է»,- հասարակական, քաղաքական գործիչ Էդգար Ղազարյանի խափանման միջոցի վերաբերյալ վճռի հրապարակումից առաջ դատարանի բակում լրագրողների հետ զրույցում ասաց «Սրբազան պայքար» շարժման առաջնորդ Բագրատ Սրբազանը։ «Իրենց վերջին խռխռոցն է, ասում եմ՝ հստակ տիրապետելով տեղեկատվության։ Փորձում են ներկայացնել, թե իբր իրենց աթռն անսասան է, բայց այդպես չէ։ Այս հալածանքները վերջ են գտնելու մի օր։ 7 տարի է իշխանության են, բայց վերջին շրջանը ցույց է տալիս որ հասել են քաղաքական մահվան դուռը։ Այս մարդիկ պետության, ժողովրդի ու իմ անձնական թշնամիներն են: Նրանք գողացել են մեր բոլորի կենսագրությունը: Այս մասին է խոսում Էդգար Ղազարյանը»,- ասաց Բագրատ Սրբազանը։
Հիշեցնենք՝ Էդգար Ղազարյանին ՍԴ դատավորների վերաբերյալ հրապարակային խոսք ասելու համար մեղադրանք է առաջադրվել։ Փաստաբան Ռուբեն Մելիքյանի խոսքով նրան սպառնում է 2-5 տարի ժամկետով ազատազրկում։