«Դեպքը տեղի է ունեցել Իջևանի զորամասում, որտեղ մի քանի օր առաջ նաև զինվոր է ինքնասպան եղել»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Բանակում պատասխանատվությունը, կարգապահությունը ցածր մակարդակի վրա են
Սիսիանցի ժամկետային զինծառայողին թոքաբորոբով մարտական դիրքեր են տարել, որի հետևանքով տան միակ որդին հոսպիտալում մահացել է։ Դա տեղի է ունեցել Իջևանի զորամասում։ Մի քանի օր առաջ նույն՝ Իջևանի զորամասի զինվոր էր ինքնասպան եղել։ Այս ցավալի դեպքերը վկայում են Իջևանի զորամասում, ընդհանրապես՝ Հայաստանի բանակում պատասխանատվության, կարգապահության ցածր մակարդակի մասին։ Միշտ մեղքն ուրիշների վրա գցող Նիկոլ Փաշինյանը օրերս հայտարարեց, թե բանակում տեղի ունեցող բոլոր բացասական երևույթները պայմանավորված են հասարակությունում առկա խնդիրներով։ Նիկոլ Փաշինյանը, ՔՊ-ն չունեն կառավարման համար պահանջվող կրթական որակներ, հմտություններ, ունակություններ, փորձ, զբաղված են միայն իմիտացիա անելով, իբր բարեփոխումներ են անում։ Ինչքան շատ են «բարեփոխում», բոլոր ոլորտներում իրավիճակն ավելի է վատանում»։