Կիրակի, 23 փետրվարի, 2025 թ.
|
Ստեփանակերտում`   0 °C

«Գերտերությունները չեն «գցում», նրանք գնում են իրենց գծով»․ Հակոբ Բադալյան

«Գերտերությունները չեն «գցում», նրանք գնում են իրենց գծով»․ Հակոբ Բադալյան
89
Այսօր, 16:30

Քաղաքական մեկնաբան Հակոբ Բադալյանի թելեգրամյան գրառումը․ «Ասում են՝ Արևմուտքը «գցեց» Ուկրաինային:

Ու հանրության գիտակցության մեջ ձևավորվում է մտայնություն, որ՝ «բոլորն էլ գցող» են:

Գերտերությունները չեն «գցում», նրանք գնում են իրենց գծով: Ավելի փոքրերը՝ կամ կարողանում են հասկանալ այդ գիծը, ուսումնասիրել՝ տարբեր անկյուններից, տարբեր սցենարներով, անել այդ ամենի վրա սեփական եզրահանգումներ ու մշակումներ, կամ՝ չեն կարողանում:

Իսկ գերտերությունների վերաբերմունքն էլ ըստ էության ձևավորվում է ըստ այդմ, ոչ թե ըստ խոնարհության անկյան աստիճանի՝ իրենց հանդեպ, այլ ըստ իրենց ծրագրերի, նպատակների, ռազմավարությունների հանդեպ ադեկվատության, դրանց հասկանալու կարողության աստիճանի:

Այլապես, նրանք չունեն ոչ մի փոքր խոնարհության առաձնապես մեծ կարիք, ունեն ամեն փոքրի խոնարհեցնելու «400 օրինական միջոց», ինչպես կասեր մեծ կոմբինատորը:

Ավելի համեստ սուբյեկտների հանդեպ գործնական հարաբերության հետաքրքրություն առաջանում է այն ժամանակ, երբ նրանք տեսնում են, որ այդ սուբյեկտի մտքում ոչ թե առավելագույն էֆեկտիվությամբ խոնարհվելն է, այլ տեղի ունեցողը հասկանալն ու սեփական անելիքը մշակելու, կազմակերպելու և իրականացնելու կարողությունը»:

Աղբյուրը`   Հակոբ Բադալյան