«Հարուստներն ավելի են հարստացել, աղքատներն՝ ավելի աղքատացել». Աղասի Թավադյան

Տնտեսագետ Աղասի Թավադյանը գրում է.

«Ի պատասխան:

Թվերը չեն ստում․ Հայաստանի տնտեսության մեջ խորանում է անհավասարությունը։
Գծապատկերը ցույց է տալիս երկու իրականություն՝

ՏՏ և բանկային ոլորտի իրական աշխատավարձը 2018թ․ 430 հազարից հասել է 850 հազար դրամի

Մնացած ոլորտներում իրական աշխատավարձը 181 հազարից հասել է ընդամենը 230 հազար դրամի
Սա նշանակում է, որ տնտեսական աճի պտուղները հավասարապես չեն բաշխվում։ Մինչ ՏՏ ոլորտը Երևանում ծաղկում է, մարզերում և այլ ոլորտներում աշխատավարձերի աճը համեստ է։

Պարզ օրինակով՝ եթե 2018թ․ Հայաստանում 5 անձ պայմանականորեն աշխատում էր 1,2,3,4 և 5 դրամ և միջինը 3 էր, ապա այժմ նույն 5 անձը պայմանականորեն վաստակում են 1,2,3,4 և 10 դրամ, ինչը միջին աշխատավարձը դարձրել է 4 դրամ։

Հարուստները ավելի են հարստացել, աղքատները՝ ավելի աղքատացել։

[ Տեխնիկական՝ ըստ ճյուղերի խմբավերման միջինի հաշվարկի բանաձևը Σ(x*w) / Σ(w) ]: