«Կասկածներ ունեմ՝ Ֆրանսիայի դեսպանը գործում է Նիկոլի իշխանությունը պահելու համար»․ Աննա Մկրտչյան

«Այն դատախազները, որ այստեղ խրոխտ դեմքով գալիս, կանգնում են ևս մեկ անգամ ապացուցում են այն փաստը, որ նիկոլահպատակ իրականությանը իրենք համարժեք են ամբողջությամբ։ Նրանք պատրաստ են ցանկացած մարդու հարմարեցնել Քրեական օրենսդրության շրջանակներում կալանք կրելուն միայն մի բանի համար, քանի որ այդպես է հրահանգելպաըվիրել անհայրենիք, դավաճան Նիկոլը»,- ՀՀԿ փոխնախագահ Արմեն Աշոտյանի գործով դատական նիստից առաջ լրագրողների հետ զրույցում ասաց ԱԺ «Պատիվ ունեմ» խմբակցության պատգամավոր Աննա Մկրտչյանը՝ հավելելով, որ վկայություններում և գործի մեջ Արմեն Աշոտյանի դեմ արտահայտած որևէ միտք չկա։
Անդրադառնալով Հայաստանում Ֆրանսիայի դեսպանի հայտարարությանը, թե «նրանք, ովքեր պնդում են, թե Լեռնային Ղարաբաղն Ադրբեջանի մաս է ճանաչվել 2022 թվականին Պրահայում, ստում են, որովհետև Լեռնային Ղարաբաղը Հայաստանի կողմից Ադրբեջանի մաս է ճանաչվել Ալմա Աթայի հռչակագրի պահից սկսած», Աննա Մկրտչյանն ասաց․ «Կասկածներ ունեմ՝ Ֆրանսիայի դեսպանն գործում է ոչ թե հայ-ֆրանսիական ժողովուրդների բարեկամակ հարաբերությունները ամրապնդելու համար, այլ գործում է Նիկոլի իշխանությունը պահելու և երկարաձգելու համար»։