«Ընդդիմությունը պետք է միավորվի՝ մի կողմ թողնելով տարաձայնությունները»․ Արմեն Ռուստամյան

«Չկա մի օր, որ մենք չտեսնենք, որ Իլհամ Ալիևն այնտեղ ինչ հայտարարում է, ու նույնը այստեղ չի կրկնում Նիկոլ Փաշինյանը: Այս իշխանությունների ամենօրյա աշխատանքը այնքան կործանարար է, որ ամեն օր մենք ստանում ենք ավելի վատ փաստաթուղթ, քան նախորդը կար»,-լրագրողների հետ զրույցում նշել է ԱԺ «Հայաստան» խմբակցության պատգամավոր Արմեն Ռուստամյանը: Պատգամավորը իշխանության հեռացումը տեսնում է միասնակամ լինելու մեջ. «Պետք է միավորվի ընդդիմությունը՝ մի կողմ թողնելով տարաձայնությունները, որոնք երկրորդական բնույթ ունեն այս պարագայում: Կուսակցական, հատվածական որևէ շահ չետք է գերակա լինի»: Ըստ պատգամավորի՝ եթե փողոցներում լինեն անհնազանդության գնացող, ակտիվ գործողությունների պատրաստ լուրջ մասնակիցներ, ապա այս իշխանությունները երկար կյանք չեն ունենա: «Բայց ոչ միայն պետք է ասենք՝ Նիկոլ Փաշինյանը հեռանա, այլև պետք է ասենք, թե ով է գալու նրա տեղը: Այդ առումով համաձայնություն դեռևս չի կայանում: Սա մեր ամենամեծ բացթողումներից մեկն է: Պետք է կարողանանք մի անձի շուրջ համախմբվել»,- ընդգծել է պատգամավորը: