«Երևանցիներն ու մի մոլորված դավալեցի որոշում են, թե ով պետք է ղեկավարի գյումրեցիներին»․ Էդգար Ղազարյան

Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «ԵվրաԳյումրի․
Երևանցիներն ու մի մոլորված դավալեցի, որոշում են, թե ով պետք է ղեկավարի գյումրեցիներին։ Այստեղ կա մի կարևոր բացահայտվում․ լրագրողների Գյումրու «Ասպարեզ» ակումբը, որը մինչ այդ հանրությանը ներկայանում էր որպես հասարակական կազմակերպություն, կարծիքներ ներկայացնում իբրև քաղաքացիական հասարակության անունից, պարզվում է եղել է ու շարունակում է մնալ անազնվորեն քողարկված քաղաքական կազմակերպություն, որի տարածքում հիմնադրվում է քաղաքական գործընթացներին մասնակցող քաղաքական դաշինք»։
Հիշեցնենք՝ «Հանրապետություն», «Հանուն Հանրապետության» և «Հայաստանի Եվրոպական» կուսակցությունները հայտարարել են, որ միասնական «Եվրադաշինք» անվամբ դաշինքով հանդես կգան Գյումրու ավագանու արտահերթ ընտրություններին և որպես թեկնածու առաջադրել են Ժուռնալիստների «Ասպարեզ» ակումբի նախագահ Լևոն Բարսեղյանին»։