«Ավելի շատ փոշի է բարձրացնում, քան կլանում է»․ Տիգրան Ավինյան

«Մեր հին փոշեկուլ մեքենաներն այս եղանակային պայմաններում այդքան էլ արդյունավետ չեն»,- գործակարգավարական խորհրդակցության ժամանակ ասաց քաղաքապետ Տիգրան Ավինյանը․ «Քանի որ ջուր չեք կարողանում թողնել, ինքս եմ տեսել, ավելի շատ փոշի է բարձրանում, քան կլանում է»,- նշեց Ավինյանը։
ԵԱՍՄ տնօրեն Սաշա Կատվալյանը պարզաբանեց, որ երբ ջերմաստիճանը զրոյից ցածր է լինում, փոշեկուլ մեքենաների ջրի համակարգը չեն կարողանում օգտագործել․ «Այլապես մեքենան կունենա տեխնիկական խնդիր։ Մեծ չափի փոշեկուլները գիշերն են աշխատում, ցերեկը միայն փոքր փոշեկուլներն են աշխատում»,- ասաց Կատվալյանը։
«Օրվա ակտիվ ժամերին, երբ մեքենաների հոսքը շատ է, այդ փոշեկուլների օգտագործումը, հատկապես առանց ջրի, նպատակահարմար չէ»,- հավելեց Ավինյանը։