«Այս օրենքը չի հանդիսանում ԵՄ անդամակցության հայտ». Պարույր Հովհաննիսյան

ԱԺ եվրոպական ինտեգրման հարցերի հանձնաժողովի արտահերթ նիստում արձագանքելով ընդդիմադիր պատգամավոր Արմեն Գևորգյանի՝ կարո՞ղ ենք ընկալել, որ օրենքի ընդունումից հետո ՀՀ-ն փոխելու է իր աշխարհաքաղաքական դիրքավորումը հարցին, ՀՀ ԱԳ փոխնախարար Պարույր Հովհաննիսյանը պատասխանեց. «Նման իրողություն կստեղծվեր, եթե ներկայացնեինք անդամակցության հայտ: Այս օրենքը չի հանդիսանում ԵՄ անդամակցության հայտ: Այս օրենքը համապատասխանում է ԵՄ-ի հետ մեր առավել մերձեցմանը: Աշխարհաքաղաքական փոփոխությունների կոնտեքստ չենք տեսնում... Մենք սկսում ենք անդամակցության գործընթաց, բայց դա չի նշանակում անդամակցության հայտ ներկայացնել»: Հանձնաժողովի նախագահ Արման Եղոյանը պարզաբանեց. «Խոսքը հիմիկվա մասին է, որովհետև գործընթացը երբ սկսում է, մի որոշակի փուլում ենթադրելու է նաև անդամակցության հայտ ներկայացնել»:

Հիշեցնենք՝ քննարկվում է ԵՄ-ին ՀՀ անդամակցելու գործընթացի մեկնարկի մասին օրինագիծը երկրորդ ընթերցմամբ ընդունելու հարցը: