«Արցախ ունեինք, բայց սփյուռքից որևէ մեկը չեկավ այդ տարածքները բնակեցնելու». Զարեհ Սինանյան

«Ինչպե՞ս է վերաբերվում սփյուռքը Արարատից և Արևմտյան Հայաստանի պահանջատիրությունից հրաժարվելու՝ ՀՀ կառավարության հայեցակարգին»,- ասուլիսի ժամանակ նման հարց ուղղվեց Սփյուռքի գործերի գլխավոր հանձնակատար Զարեհ Սինանյանին: «Արարատից հրաժարման որևէ պնդում չի եղել: Ընդամենը եղել է Արագածը ևս սիրելու մասին խոսք:

Եթե ուզում ենք հողերի վերադարձ, Արևմտյան Հայաստանի վերադարձ, որը երկար ժամանակ սփյուռքի մեծ հատվածի համար եղել է նպատակ, ապա ասեմ՝ 26 տարի մեր վերահսկողության տակ ունեինք Արցախ, բայց սփյուռքից որևէ մեկը չեկավ այդ տարածքները բնակեցնելու: Հիմա եթե խոսում ենք այդ հողերի մասին, ուզում եմ հասկանալ՝ ի՞նչ նպատակով: Քանի՞ հոգի է ինձ նման վեր կենալու և այնտեղ ամբողջ կյանքը ապրելուց հետո գալու՝ բնակվելու այդ հողերում կամ ՀՀ-ում: Եկեք սահմանենք իրատեսական նպատակներ, որով կարողանալու ենք բարելավել մեր ազգի գոյությունն ու ապագան»: