Հինգշաբթի, 07 մայիսի, 2026 թ.
|
Ստեփանակերտում`   +13 °C

«ԵՄ-ն պատասխան միջոցներ է պատրաստում ԱՄՆ-ի հնարավոր մաքսատուրքերի դեմ». Մակրոն

«ԵՄ-ն պատասխան միջոցներ է պատրաստում ԱՄՆ-ի հնարավոր մաքսատուրքերի դեմ». Մակրոն
3460
Հինգշաբթի, 06 մարտի, 2025 թ., 01:02

Եվրոմիությունը պատասխան քայլեր է նախապատրաստում այն պարագայի համար, եթե Միացյալ Նահանգները մաքսատուրքեր սահմանի իր ապրանքների վրա, սակայն դեռ փորձում է համոզել և տարհամոզել Դոնալդ Թրամփին, հայտարարել է Ֆրանսիայի նախագահ Էմանուել Մակրոնը՝ ելույթ ունենալով BFMTV հեռուստաալիքով։
«Մենք պետք է պատրաստ լինենք, եթե ԱՄՆ-ն որոշի մաքսատուրքեր սահմանել եվրոպական ապրանքների վրա, ինչպես նրանք հենց նոր հաստատեցին Կանադայի և Մեքսիկայի հետ կապված:
Ավելի վաղ Թրամփը հայտարարել էր, որ կհրամայի 25 տոկոս մաքսատուրք սահմանել Եվրոմիության ապրանքների, այդ թվում՝ մեքենաների վրա։ ԵՄ-ն Վաշինգթոնին կոչ է անում բաց երկխոսություն սկսել առևտրի շուրջ և չի ցանկանում աշխատել «միմյանց դեմ», ասել է Եվրոհանձնաժողովի ներկայացուցիչ Օլոֆ Գիլը։ Միևնույն ժամանակ, նրա խոսքով, ԵՄ-ն խստորեն և անհապաղ կարձագանքի ազատ և արդար առևտրի չհիմնավորված խոչընդոտներին։