«Եթե Ադրբեջանում փակվի ԿԽՄԿ գրասենյանը՝ Ադրբեջանն անցնելու է ավելի բիրտ խոշտանգումների». Նաիրա Զոհրաբյան

«Այսօր Ռուբեն Վարդանյանի հացադուլի 16-րդ օրն է: Նրա կյանքը վտանգված է, մենք չգիտենք՝ մարտի 11-ի դատական նիստին Ռուբեն Վարդանյանը ի վիճակի կլինի՞ այդ նիստին մասնակցել, թե՞՝ ոչ»,- «Հայելի» ակումբում ասուլիսի ժամանակ ասել է հասարակական-քաղաքական գործիչ Նաիրա Զոհրաբյանը: Անդրադառնալով Ադրբեջանում ԿԽՄԿ-ի փակմանը՝ Զոհրաբյանն ընդգծել է, որ դա նշանակում է, որ եթե Կարմիր խաչի անդամ լինելով՝ Ադրբեջանը պարտավորվում էր տալ հնարավորություն, որ Կարմիր խաչի ներկայացուցիչները այցելեին ռազմագերիներին, զանգով կամ նամակով իրենց ընտանիքների հետ խոսեին, հիմա այլևս Ադրբեջանն ամեն օր խոշտանգելու է և սպանելու է մեր ռազմագերիներին: «Բաքվի բերդում պահվող արցախցի քաղաքացիական անձանց կյանքը վտանգված է: Եթե առաջիկա օրերին Ադրբեջանում փակվի Կարմիր խաչի գրասենյակը, ապա Ադրբեջանը անցնելու է ավելի բիրտ խոշտանգումների»,- նշել է Զոհրաբյանը: