«Միայն սպառնալիքներով ու պատժամիջոցներով է հնարավոր Ադրբեջանում ինչ-որ բան փոխել». Մեսրոպ Առաքելյան

«Ակնհայտ է, որ Ադրբեջանում Կարմիր խաչի փակվելը Նիկոլ Փաշինյանին ընդհանրապես չի մտահոգում: ՀՀ-ի անելիքների մասին անիմաստ է խոսել, մտածել, որ այս իշխանությունը ինչ-որ բան ունի անելու, անիմաստ է»,- լրագրողների հետ զրույցում նշել է «Ապրելու երկիր» կուսակցության համահիմնադիր Մեսրոպ Առաքելյանը: Առաքելյանն ընդգծել է, որ Ադրբեջանում ԿԽՄԿ գրասենյակի փակումը միջազգային հանրության համար կարևոր ազդակ է, սրանով Ալիևը ցույց է տալիս, որ թքած ունի միջազգային բոլոր նորմերի, կոնվենցիաների, պարտավորությունների վրա: «Միջազգային հանրությունը այս տեսանկյունից անհրաժեշտություն ունի պատժամիջոցների և այլ լեզվով խոսել Ալիևի հետ: Միայն սպառնալիքներով և պատժամիջոցներով է հնարավոր Ադրբեջանում ինչ-որ բան փոխել»,- ասել է Մեսրոպ Աաքելյանը՝ հավելելով, որ Կարմիր խաչի բացակայությունը ավելի կվատացնի ինֆորմացիայի ստացումը և ավելի կշատանան գերիների նկատմամբ ճնշումները: