«Երանի՝ ծանր վիճակում որևէ մեկը չունենար լքվածության այդ զգացումը». Գայանե Աբրահամյան

ԱԺ նախկին պատգամավոր Գայանե Աբրահամյանի ֆեյսբուքյան գրառումը. «Ծանր է, անշուշտ, ամբողջ ուղերձը և հրաժեշտի խոսքի զգացողությունը, բայց ինձ փոքր հույս են տալիս այս տողերը.
«Ես այստեղ հասկացա, որ երբեք չի կարելի տրվել հուսալքությանը, անտարբերությանը, և հասկացա, թե ինչու է դա յոթը մեղքերից ամենասարսափելին: Մի ժամանակ կարծում էի՝ ավելի վատ է նախանձը կամ գոռոզությունը: Մինչդեռ հուսալքությունը, վհատությունը նշանակում է, որ քո մեջ մարել է Աստծո կայծը, որ դու դադարել ես հավատալ, որ դու պարզապես ձեռքերդ բարձրացրել ու հանձնվել ես: Կոչ եմ անում՝ երբեք դա չանեք: Կուզենայի, որ մենք երբեք չհիասթափվեինք և չտրվեինք հուսալքությանը: Խնդրում եմ: Դա մեր ապագայի հիմքն է, այդ իսկ պատճառով ես գնահատում եմ այն շանսը, որ ինձ տրվել է: Ես կանեմ ամեն ինչ, ինչ կարող եմ և կշարունակեմ անել ինչ կարող եմ»։
Բայց նաև սարսափելի ցավալի է հաջորդող հատվածը, երանի այդ ծանր վիճակում որևէ մեկը չունենար լքվածության այդ զգացումը:
Ցավոք, երկար գրել չեմ կարող, բայց քայլերը, որ պետք է անենք, նկարագրել էի նախորդած գրառմանս մեջ ու կարծում եմ դա միակ ելքն է ուժերը համախմբելու և որևէ բան փոխելու»: