«Կահավորված կանգառասրահների փոխարեն «կահավորված» փոսեր են». Արշակ Սարգսյան

Երևանի ավագանու «Մայր Հայաստան» խմբակցության անդամ Արշակ Սարգսյանը ֆեյսբուքյան իր էջում լուսանկար է հրապարակել՝ կից գրելով. «Կահավորված կանգառասրահների փոխարեն «կահավորված» փոսեր են։
Ու սա բարեփոխված ավտբուսների վերջնակետն է, նաև կանգառ, որտեղից մեր քաղաքացիներն են օգտվում։ Նազարբեկյան թաղամասում գրեթե նորմալ ասֆալտապատում չկա։ Այստեղ 4 երթուղային գծեր են սպասարկվում (7, 67, 65,32 համարի երթուղիների վերջնակետ):
Նաև ավտոբուսի վարորդներն են ամեն առավոտ, մեղմ ասած, բողոքում այս փոսերից, նույնը 65 համարի մյուս երթուղու վերջնակետում է՝ Ծարավ Աղբյուր։
Սա անարգանք է Երևանցու նկատմաբ, Երևանի՛ քաղաքապետարան»: