Մոսկվայում տուգանվել են Telegram-ը և Amazon-ը

1104

Երեքշաբթի, 09 սեպտեմբերի, 2025 թ., 21:50

Մոսկվայի դատարանը տուգանել է Amazon.com, Inc և Telegram Messenger Inc արտասահմանյան ընկերություններին՝ արգելված տեղեկատվությունը չհեռացնելու համար: Այս մասին հայտնել է «Ռոսկոմնադզոր»-ի մամուլի ծառայությունը:

«2025 թվականի սեպտեմբերի 8-ին Մոսկվայի Տագանսկի շրջանային դատարանը տուգանել է Amazon.com, Inc և Telegram Messenger Inc արտասահմանյան ընկերություններին 3.5 միլիոն ռուբլով՝ Ռուսաստանի Դաշնության տարածքում արգելված տեղեկատվությունը չհեռացնելու համար»,- հայտնել է մամուլի ծառայությունը:

Telegram-ը տուգանվել է կեղծ տեղեկատվություն, ԼԳԲՏ քարոզչություն, մարմնավաճառության գովազդ, ալկոհոլի հեռակա վաճառք և անչափահասներին կյանքի և առողջության համար վտանգավոր անօրինական գործունեության մեջ ներգրավելու տեղեկատվությունը չհեռացնելու համար: «Telegram-ի վրա դրված տուգանքների ընդհանուր գումարը հասել է 109 միլիոն ռուբլու», - հավելել է Ռոսկոմնադզորը:

Amazon-ը տուգանվել է ծայրահեղական նյութերը չհեռացնելու համար: Amazon-ի վրա դրված տուգանքների ընդհանուր գումարը կազմում է 9.5 միլիոն ռուբլի, նշել է գերատեսչությունը: