Ֆիզիկական անձանց եկամուտների հայտարարագրման համակարգի կիրառությունը չի չեղարկվի. կառավարությունը մերժեց «Հայաստան» խմբակցության նախագիծը
![]() 848 Հինգշաբթի, 13 մարտի, 2025 թ., 12:00 Այսօր Կառավարության նիստի օրակարգում չզեկուցվող հարցերի շարքում ընդգրկված էր «Հայաստանի Հանրապետության հարկային օրենսգրքում փոփոխություն կատարելու մասին» ԱԺ «Հայաստան» խմբակցության առաջարկությունը, որը ներկայացվել էր Ֆինանսների նախարարության կողմից։ Ըստ նախագծի առաջարկվում է չեղարկել ֆիզիկական անձանց պարտադիր հայտարարագիր ներկայացնելու որոշումը։ «Նախագծով առաջարկվում է չեղարկել ՀՀ հարկային օրենսգրքի 156-րդ հոդվածի 4.1-ին մասով սահմանված՝ ֆիզիկական անձանց եկամուտների համընդհանուր հայտարարագրման համակարգի կիրառությունը: Միաժամանակ, առաջարկվում է սահմանել, որ մինչև օրենքն ուժի մեջ մտնելը ֆիզիկական անձանց կողմից ներկայացված եկամտային տարեկան հաշվարկները (հայտարարագրերը) չեն կարող օգտագործվել պետական իրավասու մարմինների կողմից իրականացվող վարչարարության շրջանակներում: Նախագծի ընդունման հիմնավորման համաձայն՝ ֆիզիկական անձանց եկամուտների համընդհանուր հայտարարագրման համակարգը ժամանակավրեպ է, դրված նպատակի տեսանկյունից՝ ոչ լիարժեք և ոչ համարժեք, իսկ քաղաքացիների համար դառնալու է նոր և ավելորդ վարչարարություն, անիմաստ պարտավորություն և տուգանքի հիմք, իսկ պետության տեսանկյունից դառնում է արդեն իսկ առկա տեղեկատվության կրկնակի կամ եռակի հավաքագրման անիմաստ և անարդյունավետ գործընթաց: Նշվում է նաև, որ առկա են ոչ պակաս կարևոր տեխնիկական ու բովանդակային չլուծված այլ խնդիրներ, որոնք փաստում են, որ հարկային մարմինները ևս պատրաստ չեն ընդունելու այդ հայտարարագրերը»,- ասված է նախագծում: Կառավարությունը սակայն անընդունելի է համարել այդ առաջարկությունը՝ նշելով, որ ֆիզիկական անձանց եկամուտների հայտարարագրման համակարգի չեղարկման առաջարկությունն սկզբունքորեն անընդունելի է։ «Հայտնում ենք նաև, որ նախագիծը չի բխում Կառավարության 2021-2026 թվականների ծրագրի 6.8-րդ «Հարկաբյուջետային քաղաքականություն» մասով սահմանված քաղաքականության ուղղություններից, ըստ որի ներդրվելու է ֆիզիկական անձանց եկամուտների հայտարարագրման գործուն համակարգ, որը կնպաստի նաև միջազգային պրակտիկայում լայնորեն կիրառվող «սոցիալական կրեդիտների» համակարգի ներդրմանը»,-ասված է կառավարության եզրակացության մեջ։ |
Շուրջ 50 հազար ԱՄՆ դոլար արժեցած «դարի հաղթանակը»՝ պատուհաս Կառավարության համար. «Ժողովուրդ»
19809:00«Պետրոսը կարգադրել է բոլորին՝ Բագրատյանը Հ1 չպիտի գա»․ Հրանտ Բագրատյան
22401:36«Զարմանում էի՝ ինչո՞ւ եմ իմ տան համար վճարում 5000 դրամ»․ Արսեն Թորոսյան (տեսանյութ)
308Երեկ, 15:12«Բա խի՞ չեք ասում, որ Վարդենիսում մարդը գույքահարկի 200 դրամի փոխարեն 5000 է վճարելու»․ Արման Ղազարյան (տեսանյութ)
411Երեկ, 14:36«Coffee House»-ը 125 մլն դրամ է վերադարձրել պետությանը
29317.04.2025, 16:18Արտահերթ կլինի, իշխանությունը «զադնի» է դնում․ «Հրապարակ»
44317.04.2025, 09:06Իրաքը Թուրքիայի և Իտալիայի հետ ստորագրել է ստորջրյա նավթամուղի կառուցման համաձայնագիր
33216.04.2025, 21:08«Սիրելի՛ քաղաքացիներ, ձեզ ոչ միայն հարկելու են, նաև դատելու են». Ագնեսա Խամոյան (տեսանյութ)
48216.04.2025, 13:19