Ուրբաթ, 27 մարտի, 2026 թ.
|
Ստեփանակերտում`   +8 °C

«Ասել են՝ խնդիր ենք տեսնում Սահմանադրության հետ կապված, ասել ենք` մեր ներքին հարցերը չենք քննարկում»․ Նիկոլ Փաշինյան

«Ասել են՝ խնդիր ենք տեսնում Սահմանադրության հետ կապված, ասել ենք` մեր ներքին հարցերը չենք քննարկում»․ Նիկոլ Փաշինյան
204
Հինգշաբթի, 13 մարտի, 2025 թ., 20:30

Սահմանադրության փոփոխության հետ կապված Բաքվի հետ որևէ քննարկում հայկական կողմն ունի՞: Լրագրողների հետ զրույցում վարչապետ Նիկոլ Փաշինյանն այս հարցին ի պատասխան նշեց․ «Ո՛չ, չունի դրա հետ կապված քննարկում։

Նախ՝ մեր դիրքորոշումը ես արտահայտել եմ, որ մենք կարծում ենք, որ առավել ևս ՍԴ նախորդ տարվա սեպտեմբերի որոշումից հետո ակնհայտ է, որ ՀՀ Սահմանադրությունը չունի տարածքային պահանջներ Ադրբեջանի կամ որևէ այլ երկրի նկատմամբ: Երկրորդը՝ մենք կարծում ենք, որ Ադրբեջանի սահմանադրությունում կան տարածքային պահանջներ ՀՀ-ի նկատմամբ: Բայց այս բոլոր հնարավոր ընկալումների հետ կապված՝ կա հիմա արդեն նոր իրողություն: Այդ նոր իրողությունը խաղաղության համաձայնագրի նախագծի համաձայնեցված տեքստի առկայությունն է: Իսկ խաղաղության համաձայնագրի համաձայնեցված տեքստը բոլոր այդ մտահոգությունները հասցեագրում է, լուծում է: Եվ մենք հիմա առաջիկա քննարկումներում կփորձենք Ադրբեջանի հետ խոսել այս հարցի վերաբերյալ և տեսնել՝ որն է նրանց դիրքորոշման հիմնավորումը․․․

Խաղաղության համաձայնագրի նախագծի առնվազն 3 հոդվածներում այդ խնդիրներին անդրադարձ կա, և այդ հարցերը լուծված են»:

«Իրենք իրենց դիրքորոշումն ասել են, ասել են, որ խնդիր են տեսնում, մենք էլ ասել ենք, որ մենք մեր ներքին հարցերը չենք քննարկում: Սահմանադրության հետ կապված հարցերը մեր ներքին հարցերն են, և մենք դա Ադրբեջանի հետ չենք քննարկում»,- հավելեց Փաշինյանը:

«Սահմանադրության հետ կապված հարցերը մեր ներքին հարցերն են, Ադրբեջանի հետ չենք քննարկում»․ Նիկոլ Փաշինյան