«Մինչ մեր ներկայացուցիչները բախվում էին խոչընդոտների, «Եվրաքվեի» համար տրամադրվում էին լավագույն վայրերը»․ «ՀայաՔվե»

«ՀայաՔվե»-ն հայտնում է․ «Մինչ «ՀայաՔվեի» ներկայացուցիչները բախվում էին համայնքապետարաններ և այլ վարչական շենքեր մուտք գործելու անհիմն խոչընդոտների, «Եվրաքվեի» ստորագրահավաքի համար տրամադրվում էին լավագույն վայրերը։

«ՀայաՔվեի» ստորագրահավաքի կետերն, ընդհակառակը, տեղակայվում էին այդ նույն համայնքապետարանների հեռավոր, անհարմար հատվածներում, բարձր հարկերում։

Շատ համայնքապետարաններում «ՀայաՔվեի» անդամներին արգելվում էր նույնիսկ գովազդային վահանակների տեղադրումը, իսկ նրանց օրինական գործունեությունն ամեն կերպ խոչընդոտվում էր։ Արձանագրվեցին նաև «ՀայաՔվեի» ստորագրահավաքի կետերի վրա հարձակումներ, մասնակիցների նկատմամբ՝ ֆիզիկական բռնության դեպքեր»։