«30 տարվա ընթացքում ադրբեջանցիները խախտել են հայերի հետ պայմանավորվածությունը առնվազն 13 անգամ». Էդուարդ Աբրահամյան

Միջազգային հարաբերությունների դոկտոր Էդուարդ Աբրահամյանի ֆեյսբուքյան գրառումը․ «Վերջին մոտ 30 տարվա ընթացքում ադրբեջանցիները խախտել են հայերի հետ պայմանավորվածությունը առնվազն 13 անգամ։ 13 անգամ սկզբից պայմանավորվել են, որոշ դեպքերում ստորագրել թուղթ, այնուհետև որոշ ժամանակ անց, ըստ էության, խաբել, խախտել ու անցել հարձակման։ Եվ ճիշտ են արել, քանզի դա է պահանջել իրենց ռազմավարական շահը։ Քանզի նախ հստակ իմացել են, թե ինչ որակի ու մտքի տեր հավաքական օպոնենտի հետ գործ ունեն։
Ինչպես նաև խախտել են, քանի որ քաղաքակրթական ու գաղափարական հակառակորդի հետ պայմանավորվածություն/պայմանագիր քննարկելը զուտ ժամանակավոր քաղաքական մանևր են համարել, ինչպես մի քանի անգամ շեշտել է Իլհամ Ալիևը՝ նոր հարված նրան հասցնելու և վերջնականապես ապառազմավարականացնելու, հնազանդեցնելու և նրա ֆիզիկական գոյությունն ու քաղաքական ապագան միայն իրենցով պայմանավորելու գերնպատակով։
Ինչպես 2017-ին Բրիտանիայում հայ-ադրբեջանական հերթական քննարկման ժամանակ հայտարարել է Հիքմեք Հաջիևը. մենք ձեր շնորհիվ շատ ենք փոխվել՝ որպես ազգ։ Շատ բան ենք հասկացել մեր, ձեր ու աշխարհի մասին՝ ձեր շնորհիվ»։