Հինգշաբթի, 12 նոյեմբերի, 2026 թ.
|
Ստեփանակերտում`   +2 °C

Իսահակ եպիսկոպոս Պողոսյանն օծեց Լճաշենի նորակառույց Սուրբ Մարիամ եկեղեցու Խաչերն ու զանգը

Իսահակ եպիսկոպոս Պողոսյանն օծեց Լճաշենի նորակառույց Սուրբ Մարիամ եկեղեցու Խաչերն ու զանգը
164
Շաբաթ, 10 հոկտեմբերի, 2026 թ., 22:48

Հայ Առաքելական Եկեղեցու Գեղարքունյաց Թեմը հայտնում է․ «Հոկտեմբերի 10-ին Գեղարքունյաց թեմի առաջնորդ Գերաշնորհ Տ. Իսահակ եպս. Պողոսյանը աղոթակցությամբ թեմի փոխառաջնորդ Հոգեշնորհ Տ. Բաբկեն վարդապետ Սալբիյանի, Գավառի հոգևոր հովիվ Արժանապատիվ Տ. Նշան քահանա Սարգսյանի և Սևանի հոգևոր հովվության սպասավոր Արժանապատիվ Տ. Նարեկ քահանա Այվազյանի օծեց Լճաշեն համայնքի նորակառույց Սուրբ Մարիամ եկեղեցու Խաչերն ու զանգը:
Եկեղեցական կարգին ներկա էին Լճաշեն համայնքի բնակիչներ և տարբեր համայնքներից ժամանած հյուրեր:
Օծման կարգից հետո Սրբազան Հայրն իր գնահատանքի խոսքը բերեց նորակառույց եկեղեցու բարերար Տիար Աշոտ Ավետիսյանին, ճարտարապետներին ու շինարարներին, եկեղեցու կառուցման գործում ավանդ ներբերած բոլոր հայորդիներին, ինչպես նաև հայրական օրհնություն փոխանցեց Լճաշեն համայնքի բնակիչներին»։

Աղբյուրը`   Հայ Առաքելական Եկեղեցու Գեղարքունյաց Թեմ