«Իշխանություններն այդքան հավատում են Բաքվի խոսքերին, ուրեմն՝ թող վեր կենան, գնան Բաքու». Արծվիկ Մինասյան

«ՀՀ ներկա իշխանությունն ի վիճակի չէ հայկական նվազագույն շահն առաջ տանել»,- ճեպազրույցի ժամանակ ասել է ԱԺ «Հայաստան» խմբակցության քարտուղար Արծվիկ Մինասյանը՝ նշելով, որ իշխանությունները թող գնան Բաքու, գերիներին այնտեղից բաց թողնեն, այստեղ նորմալ ընտրություն լինի, նորմալ իշխանություն ձևավորվի: «Իրենք էլ թող մնան Բաքվում, դա կլինի ամենալավ առհավատչյան, որ իրենք այդքան հավատում են Բաքվի խոսքերին, մենք կտեսնենք՝ Բաքուն ինչպես կվերաբերվի իրենց»,- նշել է Մինասյանը: