«Գյումրիի ու Փարաքարի ընտրությունները բեկումնային կլինեն»․ Վիկտոր Մնացականյան

«ՔՊ-ից որևէ մեկը հենց որ պաշտոն է ստանձնում, ֆեյբուքում գրում է․ «Ի գործ»։ Բայց պետք է գրեն ոչ թե «Ի գործ», այլ «Ի ձախողում», որովհետև չկա որևէ ոլորտ, որտեղ չեն ձախողել․ բոլոր հարցերում մեծ ձախողում է»,- այս մասին այսօր լրագրողների հետ զրույցում նշեց «Հաղթանակ» կուսակցության ղեկավար Վիկտոր Մնացականյանը, ով ևս մանսկացում է «Չենք վստահում այս իշխանություններին» խորագրով բողոքի ակցիային։
«Չենք վստահում այս իշխանությանը, այդ թվում՝ քաղաքային իշխանություններին․ ուզում են կասկածելի գործարքներ անել»,- նշեց Մնացականյանը։

Անդրադառնալով առաջիկա ՏԻՄ ընտրություններին, նա հույս հայտնեց, որ Գյումրիի ու Փարաքարի ընտրությունները բեկումնային կլինեն Հայաստանի համար, և հաջողություն մաղթեց ընդդիմադիր ուժերին։