Բողոքի ակցիա՝ բանկային զեղծարարությունների դեմ․ ՈՒՂԻՂ ՄԻԱՑՈՒՄ

Մի խումբ քաղաքացիներ ակցիա են իրականացնում Կառավարության շենքի դիմաց՝ պահանջելով հանդիպում Նիկոլ Փաշինյանի հետ։ Նրանք բողոքում են բանկային համակարգում տեղի ունեցող կիբերհանցագործությունների, զեղծարարությունների և անմեղ քաղաքացիների հանդեպ բանկերի կողմից դրսևորվող անհիմն պահանջների դեմ։
Բողոքի ակցիայի մասնակիցները պահանջում են, որպեսզի Նիկոլ Փաշինյանը ձեռնարկի անհրաժեշտ բոլոր քայլերը՝ ստեղծված խնդիրներին համակարգային լուծում տալու համար:
«Գուցե կիբերհանցագործների համար առկա սողանքները դիտավորյալ են բաց թողնված, որպեսզի թալանը շարունակական բնույթ կրի։ Հավելենք, որ քննչական մարմինները ոչ պատշաճ են աշխատում, նրանց գործողությունները անարդյունավետ են, ինչի պատճառով չհիմնավորված պարտքուպահանջը բանկերը գանձում են։ Մարդիկ կան՝ տները աճուրդի են հանել։ Կամ, օրինակ, քաղաքացին իր հաշվից սխալ հաշվի համարի է գումար փոխանցել և տարիներով չի կարողանում իր գումարը վերադարձնել»,- ասում է ակցիայի մասնակիցը։