Ցուցարարները փակել են Քննչական կոմիտե տանող ճանապարհը

Քննչական կոմիտեի շենքի դիմաց շարունակվում է Տիգրան Ուլուբաբյանին խոշտանգած ոստիկաններին պատժելու պահանջով բողոքի ակցիան։
Ցուցարարները փակել են Քննչական կոմիտե տանող ճանապարհը։ Ոստիկանները հորդորում են բացել ճանապարհը։

«Երբ որ Քննչական կոմիտեից որևէ ներկայացուցիչ, որևէ պաշտոնատար անձ կիջնի և հանրության առջև կպատասխանի մեր հարցերին, այսինքն՝ կհայտնի այդպիսի պատրաստակամություն, ակցիայի մասնակիցները կբացեն ճանապարհը»,- դիմելով ոստիկաններին՝ վստահեցրեց փաստաբան Ռոման Երիցյանը։