ՔՊ-ականները տատանվում են երկու թեկնածուների միջև. «Ժողովուրդ»

«Ժողովուրդ» օրաթերթը գրում է. «Այսօր ԱԺ-ում Վճռաբեկ դատարանի դատավորի ընտրությունն է:
Թեկնածուներն են ԲԴԽ անդամ, ՀՀ վերաքննիչ քրեական դատարանի դատավոր Արմեն Դանիելյանը, դատավոր Լուսինե Աբգարյանը եւ Նելլի Բաղդասարյանը։
Օրաթերթի իշխանական աղբյուրները փոխանցում են, որ այսօր ՔՊ խմբակցությունում պետք է որոշեն, թե որ թեկնածուին պետք է տան իրենց ձայնը: ՔՊ-ականները տարակուսում են երկու թեկնածուների շուրջ. կա՛մ Արմեն Դանիելյան, կա՛մ Լուսինե Աբգարյան:
Առավոտյան ՔՊ-ականները պետք է ներքին քվեարկություն կազմակերպեն ու որոշեն, թե ում են տալու իրենց ձայնը փակ քվեարկության ժամանակ:

Բանն այն է, որ Դանիելյանը ՔՊ-ի «սրտի» դատավորն է, քանի որ նա բոլոր որոշումները կայացնում է իշխանությունների սրտով: Իսկ Լուսինե Աբգարյանին Կարեն Անդրեասյանի և Արթուր Աթաբեկյանի «վստահված մարդն» են համարում, ու դրա համար ևս ցանկություն կա նրան դատավորի պաշտոնում ընտրելու:

Թե ով կհաղթի այս իրավիճակում, պարզ կդառնա այսօր»։

Մանրամասները՝ «Ժողովուրդ» օրաթերթի այսօրվա համարում: